Cotobello 1200 m.

Piñeres - Cotobello

"¡25 d'agopstu ya!", marcha´l branu y enseguidina ya ta otra vez esi mantu bláncu enriba les montañes astures...


Güey apetecíame abondo cambiar un pocu d'aires y dexar a un llau la bicicleta y caleyar tranquilamente per un de los llugares que mas me llamaren la atención los últimos meses.




Dexamos el coche nel puebliquín de piñeres y garramos una sienda que empieza a bordiar tol valle dexandomos vistes espectaculares.

La pista ancha en d'ellos sitios va garrando altor y vamos divisando los primeros pueblos abaxo n'el valle.



Llegaos a los 800 metros llegamos a una vega na que'l paseante pue agüeyar la comarca'l caudal y la perguapa sierra navaliego, cordal de longalendo y la Peña Mea. Ya tamos cerca la cumbre y agora vamos subiendo al pié la carretera pa dempués d'un cachu llegar a la esplaná de cotobello. Una vez llegau a esti puntu recoyemos fuercies na fonte y subimos hasta la antenona fin del paseu de güey.

Peña Mea (1560m),

Sábadu 5 d'abril: Tiempu veraniegu pa subir a Peña Mea (1560m), Madrugamos a eso de les 8 la mañana pa preparar mochila
y demás coses y ponemos rumbu al puebliquín de Pelúgano (Pel.luno). Tardamos media hora aprosimadamente. Y ya a les 10:00
tamos camín de peña Mea.
El camín ye una pista na que puen subir toterrenos, fecha polos ganaeros del llugar, son unos 5 kms dende Pelúgano. Dexamos
dempués la pista pa coyer un senderu que entama al llau d'una fonte (ta enlleno d'elles) y l'ascensu complicasenos abondo.
Cuesto, muy cuesto hasta llegar al gueyu de buey. Dende equí atopamos buena parte la xeografía central Astur. Impresionantes vistes.
Recuperamos fuercies y ya pasando d'algún neveru xelau llegamos al pie la cima. Quedamos namas un kilometru d'ascensu y ya na cima
acolumbramos picos de Europa, Picu Torres, L'aramu, Tiatordos, etc. 2h y 15 d'ascensu.
Pa baxar rodiamos Peña Mea y sentamonos a comer al pie la fonte Peña Mea. Entavía tapá pola ñeve.

Picu Cogollu m

26 de xineru de 2008.
Amanez un dia perguapu, cielu despexau y temperatura demasiao caliente pa la época na que tamos.
La ruta a siguir esta vegaga ñaz na aldea Llangeana d'el Cau (650m). Esti afayaizu pueblín ta sitiau a 4 kms del altu Santumilianu.
Dexamos el coche esta vegada sólo podemos disfrutar del monte mio Pa y yo, garramos mochila y cámara facer semeyes na manoy pocua pocu vamos dexando atrás el pueblu nel que partimos atopando enseguidina el picu la Cuétara (806 m), el cual dexamos a la nuesa drecha, La rutafácil de facer permitenos en tou momento ver les espoltaciones de cielu abiertu ya restauraes y el deterioru y esvilla de mates,bardies, regueros y montes que mos da pena contemplar.
Llegamos a la vega Espines dempués de caleyar 1h 15min. Dende ellí vemos el picu Polio (1046m), la sierra 'l aramo, Peña Ubiña y buena parte de la xeografía de la zona centru asturiana.
Dempués de contemplar esi paisaxe tan especial como ye el de les cuenques mineres, garramos el ramal de la izquierda y poco a pocu subimos el cogollín (1008m) y terminamos n'el cogollu (1021m) a les 2h 35 min.

Les capilles (Alto'l Monsacru)

Ye 19 de xineru, y el tiempu totalmente primaveral apetez enforma caleyar per llugares tan prestosos
como la ruta que güey vamos facer. Esta ruta entama n'el pueblu de Santa Eulalia de Morcín,vamos
cola intención de esnalar al picu Monsacru, pasando peles tan prestoses capilles que formen esi
paisaxe singular.

N'esta ocasión acompañenme dos buenos trotacaleyes, Un ye mio Pá Xose António,
home namorau de la ñatura de los que ya queden pocos y otru (mi Tiu Maxi), conoceor de munchisimos
picos de tola xeografía asturiana. Comu anecdota, cuntarevos que Maxi taba recalcau porque'l dia
antes subiere a un picu nel conceyu Lleón cerca de San Isidru refoyando ñebe asgaya.
El casu ye que madrugamos un pocoñín y ya a les 9:30 de la mañana dexamos el coche en anta Eulalia y dellau'l riu
entamamos a subir carretera arriba pasando per dellos pueblos hasta l'altu la collá. Ya n'el altu dempués
de calecer un pocoñín los musculos vamos viendo la sienda dar vueltes mirando pal cielu.
A media que van paando les hores y los menutos ( son les 10:45) vamos acolumbrando Uviéu a lo fondero
y ya prontod'algún se atreve a ver Xixón, Peña Mayor, Peña Vieya, Los alfilorios, peña Mea, etc.
Fai calor, ya a les 12 del mediu dí, contemplo por primera vegada les famoses capilles, faigo semeyes
ensin aparar, a un llau y a otru, dame la fame y garro agüa frescalina na fonte que trai l'agüa del aramu.
Atopamos muncha xente, xovenes, vieyos ¡y hasta rapacinos d'un añu!. Dempués de esta primera
pará subimos al picu la fayona 1020m. Ellí dexamos papel colos datos y pa les 2 de la tardi tamos na cima'l monsacru (1054m).
Mete mieo ver eses caies al vacíu, impresiona'l aramu comu se estiende...y esi caramelín tan dulce
que ye la mostayal, que m'invíta pa que n'otra ocasión pise la so cima.
Toy euforicu, na cima, y el resultau ye que quería mas, por eso vamos un pocu mas allá haber como se llama'l picu
que hay un poco mas lloñe'l Monsacru, llegamos en 15 menutos y el resultau ye que 'l picu nomase tamién la Fayona (1056 m).
Pero..si ye mas altu que'l Monsacru. ¿pué ser que haya dos fayones? en fín, ya ta entrando la gana xintar
y volviendo per onde vinimos volvemos al paraxe únicu de les capilles a reponer fuercies, ye sabadu
y de nueche toca salir un poco de murga. Ya pa les 4 la tardi tamos de vuelta nel coche, con ganes de mas
y eso siempre.

Picu Rasón

Anuncien agüa, y ñeve a los 900 metros, pero el dia ye bien distintu. Fai sol y la temperatura que fai al mediu dí paez mas bien de época de seronda y castañes que de puru iviernu de mesde xineru.Ya pela tardi a eso de les 3, pongome en contautu col compañeru de batalles pelos montes asturies y namas comer ponemos rumbu en direción a la Pola Llena. Una vez llegau a esti puntu col coche y sin aparar un menutu garramos la carretera que mos sube al cordal. Echamos arriba'l altu les primeres semeyes de la tardi, Al norte al monsacru, al sur san Isidro col so picu torres con deyos neveros, al este, atopamos Peña mayor y Peña mea y al oeste la muralla astur del aramo.

Dende esti altu, tornando en direción a la sierra'l aramu hay una sienda que mos dexa unos paisaxes únicos, garramos un ramal dende la

cima'l altu la soterraña a la derecha y vamos

coyendo altura poco a poco, dexamos atrás un repetidor pequeñu y la sienda faise muy afayadiza.

Llevamos 45 menutos a pié y l'aire ye por momentos friu y sopla tamién con fuercia. Pocu a pocu el cielu va tornando a escurecer y amenaza 'l agüa que ya teníamos escaecio. Entamamos a subir
con muncha mas pendiente y la fuercia'l aire ye pergrande.

Ya tamos na falda del picu Rasón (1670 m), dempués de 1 hora y media de caminata tamos tamién cerca ya del picu'l gamoniteiru (1790 m). Na partebaxa'l monte podemos ver como ta quedandola nueva carretera de la cobertoria. La ñeve recien caía en peña rueda, fainos volver per onde vinimos y tornar poco a pocu pal coche nun vaya ser que mos garre la ñube.

25 Payares 2007

Dempués de munchos díes agüeyando'l parte meteorolóxicu por fin mos dan les buenes noticies de que la ñeve fai actu de presencia n'Asturies.

Comu ye un domingu pela tardi, y la nuechi cai enseguidina, nun coyemos namas que lo necesario y ponemos rumbu al área recreativa de viapará.(683 m.) Dende ellí vamos facer un poco exerciciu y dir ascendiendo caleya arriba los escasos 7 kilometros que mos separen de la cima l'Angliru.

Namas coyer los bártulos y ponemos a caleyar tenemos que dir apriesa, ta per frio (9 ºC) y l'aire sopla con fuercia en d'ellos sitios.

La ñeve ta lloñe entavía pero nun perdemos la esperanza de poder tocala coles manes, tamos a una altura de 717 metros y ponse escuro.

Dempués de más d'una hora andando per estos montes llegamos a los 1134 m. Podemos atopar los primeros xarabatos de ñeve, pero la nueche echasemos enrriba. Son les 17:15 de la tardi y ya tenemos que tornar otra vegada abaxo. Ye la primer nevá n'esta seronda, pero de xuru que non la última.